iPhone 17 Air haqidagi ba’zi ma’lumotlar:
Dastlabki ma’lumotlarga ko‘ra, qurilma eng ingichka iPhone bo‘ladi:
Katta ehtimol bilan Plus modeli o‘rniga iPhone 17 Air deb nomlangan mutlaqo yangisi keladi. Bu qurilma, xuddi Samsung Galaxy S25 Edge kabi, juda ingichka dizaynga ega telefon sifatida taqdim etiladi. Shunchalik ingichka bo‘ladiki, uning qalinligi atigi 5,5 mm bo‘lishi kutilmoqda.
Bunchalik ingichka telefon bo‘lishi, akkumulyator quvvatidan voz kechishga olib kelishi mumkin:
Instant Digital’ning olgan ma’lumotlariga ko‘ra, iPhone 17 Air’ning quvvat sig‘imi 3.000 mAh dan kam bo‘lishi mumkin. Samsung’ning eng yupqa modeli bo‘lgan Galaxy S25 Edge esa 3900 mAh sig‘imli batareyaga ega. Shu sababli, iPhone 17 Air ko‘pchilikning xafsalasini pir qilishi mumkin.
iPhone 17 Airning ekran xususiyatlari:
iPhone 17 Air 6,6 dyuymli OLED ekranga ega bo‘ladi. iPhone 16 Prodagi paneldan foydalanadigan ushbu ekran, 30% ga yuqori yorqinlikni taqdim etadi va 120 Hz yangilanish tezligi bilan silliq va ravon tasvir bilan ham ta’minlanadi.
iPhone 17 Airning protsessor xususiyatlari:
Apple, iPhone 17 seriyasi bilan birga A19 deb nomlangan yangi avlod protsessorlarini taqdim etadi. Seriyada A19 va A19 Pro protsessorlari bo‘lishi kutilmoqda. iPhone 17 Air esa A19 dan quvvat oladi.
iPhone 17 Airning kamera xususiyatlari:
Telefon o‘zining ultra ingichka dizaynini saqlab qolish maqsadida yagona kamera tizimi bilan taqdim etiladi. Orqa tomonda esa 48 MP li, f/1.6 diafragma o‘lchamiga ega kamera o‘rnatiladi.
