Talaba yoki o‘quvchi bo‘lishingizdan qat’iy nazar, bu “personajlar”siz guruh to‘liq bo‘lmaydi. Eng mashhurlarini ko‘rib chiqamiz. Xo‘sh, siz qaysi birisiz? 😄
📵 Hech qachon javob yozmaydigan
Guruh chatini kuzatib o‘tiradi lekin hech narsa yozmaydi. Faqat imtihon kuni: “Qani, savollarni tashlanglar” degani chiqadi. Profil rasmi 2021-yildan beri o‘zgarmagan.
📚 Konspektlar qiroli/qirolichasi
Uning daftariga qarab imtihon topshirish mumkin. ✍️ Rangli ruchkalar bilan chizilgan so‘zlar, har bitta mavzuga sana qo‘yilgan. O‘qituvchi ham undan konspekt so‘rashi mumkin. 😄
📸 Hech qachon daftari yo‘q
“Rasmga olsam bo‘ladimi?” — bu uning shiori. Daftari yo‘q lekin telefonining kamerasi tezkor. Rasmlarni aslo saqlamaydi faqat “nimadir qilayotgandek” ko‘rinadi, xolos.
🚪 Xafa bo‘lsa, guruhdan chiqib ketadi
Fikri qabul qilinmasa, chiqib ketadi. 2 kun o‘tib, yana kiradi. Keyin yana chiqadi. Har safar kirganida yangi profil rasmi bilan qo‘shiladi. 😄
🎧 “Naushnig”ini hech yechmaydigan
Darsdami, tanaffusdami farqi yo‘q har doim “nimadir” eshitadi. Ba’zida hattoki darsga quloq solayotganiga ishonib bo‘lmaydi.
