🍼 Serial yulduzining onalik baxti sinovga aylandi
“So‘yla, Qora dengiz” va “Muhtasham yuz yil” seriallarining mashhur aktrisasi Irem Helvaciog‘lu yaqinda onalik baxtini erishgan edi. Ammo hayotning sinovi uzoq kuttirmadi — aktrisa, turmush o‘rtog‘i Ural Kaspar va yangi tug‘ilgan qizi Sora bilan avariyaga uchradi! 😢
🚨 Bag‘dod xiyobonida dahshatli to‘qnashuv
Istanbulning mashhur “Bag‘dod” xiyobonida ro‘y bergan baxtsiz hodisa haqida aktrisaning o‘zi Instagram’da yozib qoldirdi:
“Biz uyga qaytayotgan edik. Orqamizdan avtomobil va mototsikl to‘qnashdi, mototsikl bizga urilishga oz qoldi. Sora qo‘limda edi… uni mahkam ushlab turganim uchun yiqilib tushdim va boshimni urdim.”
Irem bosh jarohati tufayli 10 ta chok tushganini, shuningdek avvalgi avtohalokatda shikastlangan qo‘lidan ham yana jarohat olganini yozdi.
kichkina Soraga zarar yetmagan — ota-onasi uni yiqilish paytida himoya qilishga ulgurgan. 💞
⚖️ Hodisaga sababchi kim?
Dastlabki ma’lumotlarga ko‘ra, mototsikl haydovchisi boshqaruvni yo‘qotgan va avtomobil bilan to‘qnashgan. Kuchli zarba natijasida mototsikl piyodalar yo‘lagiga uchib tushgan. Aktrisa esa bu ish jazosiz qolmasligini qat’iy ta’kidladi:
“Biz bu voqeaning ustidan shaxsan nazorat olib boramiz.”
💬 Muxlislardan iliq so‘zlar yog‘ildi
Irem Helvaciog‘luning posti ostida minglab muxlislar “tezroq sog‘ayib keting!” va “Sorani farishtalar himoya qilgan!” kabi izohlar yozishdi. 🌸
🎥 Qisqacha eslatma:
Aktrisa 2024-yil oktabr oyida tadbirkor Ural Kasparga turmushga chiqqan edi. 16-oktabr kuni esa u ilk bor ona bo‘lib, qiziga “Sora” deb ism qo‘ygan.
🕊 Irem uchun bu faqat yangi boshlanish
Aktrisaning muxlislari bu voqeani “hayotning yana bir sinovi” deb atashmoqda. Irem esa o‘z kuchi va matonati bilan yana bir bor hayotga minnatdorchilik bildirib:
“Xudoga shukr, biz omon qoldik” deydi.
