Turk seriallari nafaqat syujeti, balki ularga sarflanadigan ulkan mablag‘lari bilan ham ajralib turadi. Ayniqsa tarixiy va dramatik loyihalar katta dekoratsiya, libos va texnik xarajatlar sabab juda qimmatga tushadi.
Quyida eng qimmat turk seriallari va ularning qisqacha mazmuni bilan tanishing.
“Alvon g‘unchalar”
Ushbu serial Maryam va uning qizi Zaynab hayoti orqali diniy jamoa ichidagi murakkab va qattiq qonun-qoidalarni ochib beradi.
Loyihaning faqat birinchi qismi uchun yuz minglab dollar sarflangan, umumiy xarajat esa millionlab dollarga yetgan. Serial bahs-munozaralarga sabab bo‘lib, hatto ayrim tanqidlarga ham uchragan.
“Tirilish: Ertug‘rul”
Bu tarixiy loyiha Usmonli imperiyasi asoschisi Usmon I ning otasi — Ertug‘rul hayoti haqida hikoya qiladi.
Katta jang sahnalari, kaskadyorlar, tarixiy liboslar va maxsus effektlar sabab har bir qismga katta mablag‘ sarflangan. Umumiy xarajat o‘n millionlab dollarga yaqinlashgan.
“Muhtasham yuz yil”
Sulton Sulaymon davrini tasvirlagan ushbu serial turk kinematografiyasining eng mashhur loyihalaridan biri hisoblanadi.
Qimmatbaho liboslar, zargarlik buyumlari va maxsus qurilgan dekoratsiyalar serial byudjetining asosiy qismini tashkil qilgan.
“Otaturk 1881–1919”
Turkiya Respublikasining asoschisi Mustafo Kamol Otaturk hayotiga bag‘ishlangan loyiha ham katta mablag‘ evaziga suratga olingan.
Serialda tarixiy aniqlik, liboslar va sahna bezaklariga alohida e’tibor qaratilgan.
“Hovli”
Bu drama oddiy insonlar hayotidagi murakkab voqealarni ochib beradi.
Tarixiy loyiha bo‘lmasa-da, unda ham dekoratsiya, rekvizitlar va sahnalar uchun katta mablag‘ sarflangan — hatto ayrim sahnalar uchun real portlashlar ham amalga oshirilgan.
