Dua Lipa yana bir bor muxlislar e’tibor markazida. Bu safar sabab — uning telefon g‘ilofida Britni Spirs surati borligi aniqlangani bo‘ldi. Paparatsilar tomonidan olingan suratlarda xonandaning telefonida afsonaviy pop yulduzi Britni Spirs rasmi tushirilgan g‘ilof ishlatayotgani ko‘rinadi. Bu holat ijtimoiy tarmoqlarda tezda tarqalib, muxlislar orasida iliq munosabatlarga sabab bo‘ldi.
Ko‘pchilik foydalanuvchilar Dua Lipaning bu tanlovini qo‘llab-quvvatlab, uni pop madaniyatiga hurmat ramzi sifatida baholamoqda. Ayrimlar esa hazil aralash fikr bildirib, “yigitlar keladi-ketadi, ammo haqiqiy ikonalar abadiy qoladi”, deya izoh qoldirmoqda.
Ma’lumki, Britni Spirs pop musiqaning eng yorqin yulduzlaridan biri bo‘lib, uning ijodi bir necha avlod san’atkorlariga, jumladan Dua Lipaga ham katta ta’sir ko‘rsatgan.
