Gollivudning taniqli aktyori Richard Gere Norvegiyada bo‘lib o‘tgan Oslo Freedom Forum tadbirida AQSH prezidenti Donald Trump haqida keskin fikrlar bildirib, uning faoliyatini tanqid qildi.
“Eng qorong‘i davr”
76 yoshli aktyor AQSH hozir o‘zi hayoti davomida ko‘rgan “eng qorong‘i davr”lardan birini boshdan kechirayotganini aytdi. Uning fikricha, mamlakatdagi siyosiy vaziyat fuqarolarning loqaydligi va siyosiy jarayonlarga yetarlicha e’tibor bermagani oqibatida yuzaga kelgan.
Trampga nisbatan keskin ta’rif
Nutqi davomida Richard Gere Donald Trampni “maniak” va “qorong‘i kuch” sifatida ta’rifladi. Aktyor Tramp boshqaruvi davrida AQSH hukumati va jamiyatidagi ko‘plab ijobiy qadriyatlar zaiflashganini ta’kidladi.
Demokratiya haqida ogohlantirish
Gere o‘z chiqishida Germaniyadagi Dachau konslageriga qilgan tashrifini eslab, demokratiya va erkinliklar qanchalik tez yo‘qolib ketishi mumkinligi haqida ogohlantirdi. Uning fikricha, fuqarolar siyosiy jarayonlardan chetda qolmasligi va jamiyatdagi o‘zgarishlarga befarq bo‘lmasligi kerak.
Faol pozitsiyasi bilan tanilgan
Richard Gere uzoq yillardan buyon inson huquqlari, Tibet masalasi va turli ijtimoiy mavzularda faol pozitsiyasi bilan tanilgan. Aktyor avval ham Donald Tramp siyosatini bir necha bor tanqid qilgan edi.
Ijtimoiy tarmoqlarda muhokamalar boshlandi
Aktyorning bayonoti e’lon qilinganidan so‘ng ijtimoiy tarmoqlarda keng muhokamalar boshlandi. Ayrim foydalanuvchilar uning fikrlarini qo‘llab-quvvatlagan bo‘lsa, boshqalar siyosiy mavzulardagi bunday keskin chiqishlarni tanqid qildi.
Richard Gerening Oslo Freedom Forumdagi chiqishi esa xalqaro OAVda eng ko‘p muhokama qilingan mavzulardan biriga aylandi.
