Kino tarixida shunday qahramonlar borki, ular biror so‘z aytmasa ham tomoshabinlar qalbidan joy olgan. Gap filmlardagi jonivorlar haqida ketmoqda. Ularning ayrimlari hatto bosh rollardagi aktyorlardan ham ko‘proq esda qolgan.
Bart Ayiq — “Ayiq”, “Kuz afsonalari” va boshqa filmlar yulduzi
Gollivud tarixidagi eng mashhur hayvon-aktyorlardan biri Bart ismli grizli ayiq hisoblanadi. U o‘nlab filmlarda suratga tushgan va o‘z davrining haqiqiy yulduziga aylangan. Bartning ekran oldidagi tabiiy harakatlari va xarizmasi tomoshabinlarni hayratda qoldirgan.
Kristal maymun — komediyalarning haqiqiy yulduzi
Kaputsin turiga mansub Kristal ismli maymun “Muzeydagi tun”, “Hangover 2” va boshqa mashhur filmlarda rol ijro etgan. U murakkab topshiriqlarni bajarishi va kameraga tez moslashishi bilan rejissyorlarning sevimlisiga aylangan.
Jek Rassel iti Milo — “Niqob” filmining siri
Jim Kerri ishtirokidagi mashhur “Niqob” filmida Milo ismli it ham tomoshabinlar e’tiborini qozongan. Aqlli va sodiq qahramon filmning eng esda qolarli obrazlaridan biriga aylangan.
Keyko — ozodlik timsoliga aylangan kosatka
Keyko taxminan 1976-yilda Islandiya qirg‘oqlari yaqinida tug‘ilgan, oradan bir necha yil o‘tgach esa ushlanib, dengiz parklariga topshirilgan. U uzoq vaqt tutqunlikda yashagan. Biroq 1993-yilda kosatka bosh rolni ijro etgan “Villini ozod qiling” filmi ekranlarga chiqqach, hammasi o‘zgardi. Bola va kosatkaning ta’sirchan do‘stligi haqida hikoya qiluvchi bu film xalqaro hitga aylandi.
