🎬 “Shunaqa gaplar” endi trendda!
Mashhur bloger va model Masha Tilla (asl ismi Maryam) va o‘zbek rep sahnasining yorqin vakili Yunkaa navbatdagi hamkorlikda haqiqiy “vibe” yaratishdi. Ularning yangi dueti — “Shunaqa gaplar” nomli qo‘shiq va klip hozirda ijtimoiy tarmoqlarda “portlamoqda!” 🔥
🎤 Birinchi jonli ijro va yangi rekordlar sari!
Qo‘shiq ilk bor Pepsi Fest tadbirida jonli ijro etilganda muxlislar zalni larzaga keltirgan edi. Endi esa klip YouTube’da taqdim etilib, bir necha soat ichida minglab tomosha va izohlar yig‘moqda.
💫 Maryamning o‘zbek tilidagi ikkinchi tajribasi!
Bu Masha Tillaning o‘zbek tilida kuylagan ikkinchi qo‘shig‘i. Esingizda bo‘lsa, u bundan avval repper Massa bilan “Cash” duetini ijro etgan edi. Endi esa u “Shunaqa gaplar” bilan o‘z ovozi va uslubini yanada mustahkamlab, yangi bosqichga ko‘tarilmoqda.
🎥 Klip haqida: vizual estetika va ramzlar o‘yini
Klipning rejissyori — Xojiakbar Lutfullayev. Qizig‘i, Maryamning Instagram postida yozilishicha, ular Buxorodagi zamonaviy san’at biyennalesida tanishishgan va aynan o‘sha yerda qo‘shiq ilk bora taqdim etilgan!
Klip sun’iy intellekt orqali yaratilgan portret-trend sahnasi bilan boshlanadi. Unda nafaqat Yunkaa va Maryam balki bir nechta blogerlar va repper Shokir ham qatnashgan.
🖤 “Kanye West”ga o‘xshash ruhdagi sahnalar
Yunkaa ishtirokidagi oq-qora fonli kadrlar va balerinalarning raqsi esa ko‘pchilikka “Kanye West”ning “Runaway” klipini eslatadi. Shubhasiz, bu o‘zbek musiqasida vizual jihatdan eng “san’atli” ishlanmalardan biri bo‘lishi mumkin.
🎧 YouTube’da tomosha qiling va fikr bildirishni unutmang!
“Shunaqa gaplar” nafaqat musiqiy balki estetik jihatdan ham o‘ziga xos loyiha bo‘lib, undagi so‘zlar, sahna g‘oyalari va zamonaviy tasvirlar yoshlar orasida katta rezonans uyg‘otmoqda.
👉 Klipni hoziroq YouTube’da tomosha qiling va o‘zingiz baho bering: bu yilgi eng “cool” duetmi? 😎
