Ha, ishonmasangiz ham — Titanikdagi o‘sha romantik Jek allaqachon 51 yoshga to‘ldi! 🕯 Ammo g‘alati tomoni shundaki — Leonardo DiCaprio hali ham “bo‘ydog‘lar qirolligi” unvonini hech kimga bermayapti. Karyerasi osmondan ham baland, lekin yurak masalasida hali port yo‘q ❤️🔥
Keling, Leo hayotiga biroz “scroll” qilamiz 📜👇
👶 Bolaligi — San’at bilan boshlangan hikoya
1974-yil 11-noyabr. Los-Anjeles. Hippilar oilasida tug‘ilgan kichkina Leo o‘sha paytdayoq “san’at bolasi” bo‘ladi. Onasi muzeylarda yurarkan, “Da Vinchi” asarini tomosha qilayotganda bolasining qimirlaganini sezadi va qaror qiladi:
“O‘g‘limning ismi Leonardo bo‘ladi!” 🎨
Boshlandi… kichkina Leo 5 yoshidan televizorda rol o‘ynay boshlaydi va 17 yoshida “Critters 3” filmida ilk marta katta ekranlarga chiqadi. Shundan keyin hammasi tezlikda o‘zgaradi 🚀
🎥 Titanikgacha bo‘lgan sarguzashtlar
90-yillar — Leo uchun “Upgrade” davri. U “Poison Ivy”, “This Boy’s Life” va “What’s Eating Gilbert Grape?” filmlarida o‘ynaydi. Ayniqsa oxirgisida aqli zaif o‘smir obrazini shunchalik ishonchli ijro etadiki, u 19 yoshida “Oskar”ga nomzod bo‘ladi.
(Spoiler: yutmaydi, lekin hamma tan oladi 👏)
1996-yilda “Romeo + Juliet” filmi chiqadi, va u yerda Leo haqiqiy romantik qahramonga aylanadi. Kler Deyns bilan bo‘lgan sahnalarda aktrisa hatto yig‘lab yuboradi! 😢💔
Keyin esa 1997-yil keladi. Titanik.
Jek va Rouza. “I’m the king of the world!” 🌊👑
Film 11 ta “Oskar” oladi va 2,2 milliard dollar ishlaydi. Leo esa — butun dunyoning “crush”iga aylanadi 💘
🏆 Oskarni kutish – 22 yil sabr sinovi!
Shunchalik ko‘p filmda o‘ynab, shunchalik mahorat ko‘rsatib, lekin “Oskar” yo‘q! Internetda hatto “#GiveLeoAnOscar” trend bo‘lgan 😅
Nihoyat, 2016-yilda “The Revenant” filmi bilan bu orzu ro‘yobga chiqadi. ❄️🐻
Ha, u o‘sha filmda xom jigar yeydi. (Ha, bu hazil emas!)
💘 Sevgi masalasida esa… Leo hali ham “Forever Young”
DiCaprioning romantik tarixi — Netflix serialiga o‘xshaydi: har mavsumda yangi qahramon 😅
Gisele Bündchen, Bar Refaeli, Toni Garrn, Nina Agdal, Camila Morrone… ro‘yxat uzoq 📜
Eng qiziq joyi: deyarli hammasi 25 yoshgacha bo‘lgan modellar. Internet esa bu haqda “mem”lar bilan to‘la 😂
“DiCaprio 25 yoshdan keyin ayollarni ko‘rmay qoladi” degan mashhur hazil bor.
Hozir esa Leo 27 yoshli italiyalik model Vittoriya Cheretti bilan uchrashmoqda. Ular Cannesda tanishishgan, Bred Pitt, Jeff Bezos to‘ylarida birga ko‘rinishgan.
Va bu safar… hammasi jiddiy ko‘rinadi 💍🤫
🌿 Atrof-muhit qahramoni
Romantik bo‘lmasa ham, planetani sevish bo‘yicha Leo chempion! 🌍
U 1998-yildan beri tabiatni himoya qilish jamg‘armasini boshqaradi, 40 ta davlatda ekologik loyihalarni qo‘llab-quvvatlaydi.
2014-yilda esa BMT uni iqlim elchisi deb e’lon qildi.
(Titanik cho‘kdi, lekin Leo Yer sharini qutqarmoqda 🌎💚)
💬 Xulosa: Leo hali ham o‘z “film ssenariysi”ni o‘zi yozmoqda
Bir paytlar Titanikdagi Jek “Men dunyo shohiman!” degandi.
Bugun esa 51 yoshli Leo hali ham o‘z dunyosining shohi.
Uylanishni rejalashtirganmi? Kim bilsin.
Ammo bir narsa aniq — u hali ham bizning sevimli bo‘ydog‘imiz 💔✨
