Hind kinosining eng romantik juftligi — Raj va Simran — endi haqiqiy haykalga ega! Shohrux Xon va Kajol Londonda o‘zlari ijro etgan mashhur obrazlarning bronza haykalini tantanali ravishda ochib berdi. Sabab? Kino tarixiga kirgan “O‘g‘irlanmagan kelin” filmiga 30 yil to‘ldi! ❤️🎉
🗽 Lester Maydoni Endi Yanada Romantikroq
4-dekabr kuni ochilgan yangi haykal shu qadar muhim bo‘ldiki, u endi “Garri Potter”, “Meri Poppins”, “Paddington” kabi xalqaro afsonalar qatoridan joy oldi.
Bu — “O‘g‘irlanmagan kelin” ilk bor “Maydondagi sahnalar” loyihasiga qo‘shilgan hind filmi degani!
🎥 Shohrux Xon: “Bu film mening shaxsiyatimning bir qismi”
Ochilish marosimida Shohrux Xon juda samimiy gaplar aytdi:
“Biz bu filmni sof qalb bilan yaratganmiz. Uning 30 yildan beri sevib tomosha qilinayotgani — muhabbatning kuchi. ‘O‘g‘irlanmagan kelin’ mening shaxsiyatimning bir bo‘lagi”.
Kajol esa hayajonini yashira olmadi:
“Haykal ochilishini ko‘rib, tariximizni yana bir bor boshdan kechirdim”.
❤️ Maydonning o‘zi ham kino tarixidan
Aynan Lester maydoni — Raj va Simran birinchi marta tasodifan uchrashgan joy.
Raj – Vue kinoteatri yonida,
Simran – Odeon oldidan o‘tib ketadi…
Qisqasi, romantikaning GPS manzili — shu maydon 😄
🏆 Film rekordlari hali ham yangilanmoqda
“O‘g‘irlanmagan kelin” — hind kinosining eng uzoq namoyish etilayotgan filmi.
Ginnes rekordiga kirgan.
Hozir ham Hindistonda kinoteatrlarda ko‘rsatilmoqda!
30 yil o‘tsa ham, muhabbat hikoyasi hali ham trendda…
🎞 Yash Raj Films uchun tarixiy lahza
YRF direktori Vidxani ochilish marosimida shunday dedi:
“Britaniyada, Lester maydoni kabi tarixiy joyda birinchi hind filmi haykalining ochilishi — biz uchun ulkan faxr”.
