2025‑yil 10‑dekabr kuni Turkiyada nufuzli GQ Men of The Year mukofotlari marosimi bo‘lib o‘tdi.
“Yilning eng yaxshi o‘yinchisi/aktyori” mukofoti yosh va iste’dodli san’atkor Mert Yazıcıo‘g‘luga nasib etdi.
“Alvon g‘unchalar” va “Hukmdor O‘rxon” seriallari orqali keng tanilgan aktyor sahnaga chiqib, tashkilotchilar, mehmonlar va muxlislariga bildirgan ishonch uchun minnatdorchilik izhor qildi.
Yazıcıo‘g‘lu so‘zlarida, bir necha yil avval bu marosimga ilk bor kelganida zalning eng oxirgi qatorida o‘tirganini, bugun esa sahnada g‘olib sifatida turganini aytib, o‘zining bir necha yillik mehnat yo‘lini eslab o‘tdi.
“Yil ayoli” unvoni aktrisa Sinem Unsalga topshirildi. “Olis shahar” seriali yulduzi marosimda hayajonini yashirmay, bu e’tirof uning uchun juda muhim ekanini ta’kidladi.
Unsal tadbirga sevgilisi Berk Jankat bilan birga tashrif buyurdi. Jankat jurnalistlarga bergan intervyusida, juftining g‘alabasidan faxrlanishini bildirib, uning muvaffaqiyati “haqli ravishda qo‘lga kiritilgan yutuq” ekanini qayd etdi.
