Dunyo pop musiqasining yorqin yulduzi Ledi Gaga navbatdagi tarixiy yutug‘i bilan muxlislarini hayratda qoldirdi. San’atkorning Bruno Mars bilan hamkorlikda ijro etgan “Die With A Smile” qo‘shig‘i uchinchi marta Ginnesning rekordlar kitobiga kiritildi.
Mazkur kompozitsiya qisqa vaqt ichida millionlab tinglovchilar e’tiborini qozonib, musiqiy platformalarda rekord darajadagi natijalarga erishdi. Mutaxassislar qo‘shiqni yilning eng muvaffaqiyatli duetlaridan biri sifatida e’tirof etmoqda.
Ledi Gaga uchun bu yutuq nafaqat shaxsiy rekord, balki pop musiqada o‘ziga xos ijodiy yo‘l va ta’sir kuchining yana bir isboti bo‘ldi. San’atkor ilgari ham bir nechta qo‘shiqlari va sahnaviy chiqishlari bilan Ginnes rekordlariga kirgan edi.
“Die With A Smile” esa hozirdanoq zamonaviy pop musiqaning muhim asarlaridan biri sifatida tilga olinmoqda.
