Mashhur turkiyalik qo‘shiqchi Yildiz Tilbe G’azo shahridagi insonparvarlik vaziyatiga befarq qolmay, 300 000 AQSh dollari miqdorida xayriya yo‘lladi.
Bu mablag‘orqali G’azo hududida 2 ta to‘liq jihozlangan chodir shaharchasini i qurish uchun sarflanadi. Hozirda qurilish ishlari boshlanib, tashkilot e’loniga ko‘ra, bu chodir shaharchalar Ramazon oyiga qadar tugallanishi rejalashtirilgan va unda istiqomat qiluvchi falastinlik oilalarga iftor dasturxoni ham uyushtiriladi.
Shuningdek, Tilbe bu xayriyasini kengroq qilmoqchi bo‘lib, G’azo manfaatiga konsert tashkil etishni ham rejalashtirmoqda — undagi daromadlar ham yordamga yo‘naltiriladi.
San’atkor o‘z xayriyasini “Hammasi Alloh roziligi uchun bo‘lsin” deb izohladi, bu ko‘plab insonlarga katta ruhiy ta’sir ko‘rsatdi.
