Mashhur aktyor Bred Pitt bosh rol ijro etgan “Formula 1” filmi muxlislarini quvontiradigan yangilik bilan qaytdi — filmning ikkinchi qismi suratga olinishi rejalashtirilmoqda. Bu haqda blokbaster produseri Jerri Brukxaymer tasdiqladi.
Brukxaymerning so‘zlariga ko‘ra, hozircha davomiylikning aniq boshlanish sanasi va aktyorlar tarkibi haqida rasmiy ma’lumot berilmagan, ammo jamoa filmning davomini yaratish ustida allaqachon ish olib bormoqda.
Asl film 2025-yilda namoyish etilgan va jahon bo‘yicha katta muvaffaqiyatga erishgan. U Apple TV platformasida eng ko‘p daromad keltirgan loyihalardan biri bo‘ldi va “Napoleon” hamda “Killers of the Flower Moon” kabi yirik filmlarni ortda qoldirdi.
Asl syujet va Bred Pitt roli
“Formula 1” filmida Pitt Sonni Xeys rolini ijro etadi. Syujetga ko‘ra, u sobiq Formula 1 haydovchisi bo‘lib, yirik avariyadan so‘ng poygadan ketadi. Biroq yillar o‘tib, yosh poygachi Joshua Pirsga murabbiylik qilish va poygaga qaytish imkoniyati yuzaga keladi. Ushbu hikoya filmni nafaqat dramatik, balki ilhomlantiruvchi qiladi.
Davomiylik haqida
Produser Brukxaymer filmning davomini suratga olish ustida ishlashayotganini tasdiqlagan. Hozircha Bred Pittning yangi qismda qatnashishi aniq emas, ammo u ijodiy jarayonda muhim rol o‘ynashi kutilmoqda. Muxlislar filmning yangi qismi haqida uzoq vaqtdan beri mish‑mishlar tarqatib kelishmoqda.
