Britaniyalik mashhur qo‘shiqchi va bastakor Ed Sheeran 35 yoshni qarshi oldi. Dunyo sahnasida o‘ziga xos uslubi, samimiy qo‘shiqlari va rekord darajadagi sotuvlari bilan tanilgan ijodkorning hayot yo‘li ham, turmush tarzi ham muxlislar uchun doimo qiziq bo‘lib kelgan.
Musiqaga erta qadam
Ed Sheeran bolaligidan musiqa bilan shug‘ullana boshlagan. U atigi 13 yoshida ilk albomini yozgan. Yosh ijodkor sifatida mustaqil ijod qilishni boshlagan Sheeran keyinchalik xalqaro miqyosda tanilib, bir necha bor nufuzli mukofotlarga sazovor bo‘ldi.
Uning qo‘shiqlari qisqa vaqt ichida chartlarda yuqori o‘rinlarni egallab, millionlab nusxada sotildi. Samimiy matnlar va oddiy, ammo ta’sirchan musiqiy uslub uning ijodini keng auditoriyaga yaqinlashtirdi.
10 yildan beri telefonsiz hayot
Ijodkorning hayotidagi eng noodatiy jihatlardan biri — u qariyb 10 yildan beri shaxsiy mobil telefon ishlatmaydi. Ma’lum bo‘lishicha, Sheeran 2015-yilda telefonidan voz kechgan.
