Hande Erchel atrofida tarqalgan narkotik moddalar bilan bog‘liq shubhalarga yakuniy nuqta qo‘yildi.
Rasmiy ma’lumotlarga ko‘ra, sud-tibbiy ekspertiza tomonidan o‘tkazilgan tekshiruvlarda aktrisaning qon va soch namunalarida hech qanday taqiqlangan moddalar aniqlanmagan. Test natijalari manfiy chiqdi va unga nisbatan ilgari surilgan gumonlar o‘z tasdig‘ini topmadi.
Avvalroq Turkiyada keng ko‘lamli tergov doirasida bir qator mashhurlar, jumladan Hande Erchel ham so‘roq qilingan edi. Aktrisa barcha jarayonlarda hamkorlik qilib, o‘z aybsizligini qat’iy ta’kidlagan.
E’lon qilingan natijalar ortidan uning obro‘siga putur yetkazgan mish-mishlar rad etildi. Muxlislar esa ijtimoiy tarmoqlarda aktrisani qo‘llab-quvvatlab, uning halolligi tasdiqlanganini ta’kidlashmoqda.
Shu tariqa, Hande Erchel bilan bog‘liq mojaro yakuniga yetib, u yana ijodiy faoliyatini davom ettirishga tayyor ekani aytilmoqda.
