O‘zbek shou-biznesida yana bir shov-shuvli bayonot yangradi. Xonanda Jahongir Otajonov mashhur san’atkor Yulduz Usmonova bilan duet kuylamasligini ma’lum qildi.
San’atkorning aytishicha, u Yulduz Usmonovani ijodkor sifatida tan olsa-da, shaxs sifatida hurmat qilmasligini ochiq bildirgan. Shu sababli ular o‘rtasida hamkorlik bo‘lishi ehtimoli yo‘qligini ta’kidlagan.
Bu bayonot ijtimoiy tarmoqlarda keng muhokamalarga sabab bo‘ldi. Ayrim muxlislar xonandaning fikrini qo‘llab-quvvatlasa, boshqalar esa ikki san’atkor o‘rtasidagi munosabatlar nega bunday keskin tus olganiga qiziqish bildirmoqda. Hozircha Yulduz Usmonova ushbu gaplarga rasmiy munosabat bildirmagan.
