Tayvanning Xiadong qishlog‘ida an’anaviy Ajdarho qayiqlari kuni munosabati bilan o‘ziga xos festival tashkil etildi. Bayramning eng yorqin qismi esa minglab bezatilgan tarvuzlar ishtirokidagi noodatiy parad bo‘ldi.
Festival davomida mahalliy aholi va ustalar turli shakl va naqshlar bilan bezatilgan tarvuzlarni namoyish etdi. Rang-barang kompozitsiyalar va mevalardan yasalgan san’at asarlari minglab mehmonlar va sayyohlarning e’tiborini tortdi.
Tashkilotchilarning ta’kidlashicha, tadbir mahalliy dehqonlarni qo‘llab-quvvatlash, qishloq xo‘jaligi mahsulotlarini targ‘ib qilish hamda milliy an’analarni asrab-avaylash maqsadida o‘tkaziladi.
Bugungi kunda “Tarvuzlar paradi” Tayvanning eng noodatiy yozgi festivallaridan biri sifatida tanilib, har yili minglab mehmonlarni o‘ziga jalb qilmoqda.
