Hayotda hammaning yonida “o‘ziga xos” do‘stlari bo‘ladi. Ammo e’tibor berganmisiz – ba’zi do‘stlarimiz o‘zining noyob xarakteri bilan har doim ajralib turadi. Quyidagi ro‘yxatni o‘qiganingizni albatta ularni birma-bir eslashingiz aniq. Balki… ulardan biri o‘zingiz bo‘lsangiz-chi? ?
1. ? “Hozir boraman” – LEKIN u hech qachon kelmaydi
U har safar uchrashuv oldidan “Men yo‘ldaman” deydi lekin o‘sha “yo‘l” 2 soat davom etadi. Boshida ishonardik, hozir esa “ok, uyda ekan” deb qo‘ya qolamiz. U uchun “5 daqiqa” – bu vaqt birligi emas, afsona. ?
Mashhur iborasi:
“Men tayyorman, faqat kalitimni topolmayapman.”
2. ? “Hisobni bo‘lib to‘laylik” – LEKIN o‘zi hech narsa to‘lamaydi
Kafe, choyxona, restoran qayerda bo‘lishimizdan qat’iy nazar, u doimo “bo‘lib to‘laylik” deydi… keyin o‘zi “keyin o‘tkazaman” degan gap bilan qochib qoladi.
Oradan 3 yil o‘tgan bo‘lsa ham, haliyam o‘sha “keyin” kelmaydi.
3. ?? “Hamma narsani unutadigan” do‘st
Sana? Unutadi. Imtihon vaqti? Unutadi. Tug‘ilgan kuningiz? “Qanday qilib unutdim-a? Kecha esimda edi.”
U telefonini topolmaydi, parolini eslolmaydi va har safar “O‘rtooo eslatsang bo‘lardi-ku” deb aybni sizga yuklaydi.
4. ? “Kontent master” – hamma narsani “istoriya”ga qo‘yadi
U bilan qayerga borsangiz ham, birinchi qiladigan ishi – rakurs tanlash.
U bilan ovqat yeyishga borsangiz, taom sovib qoladi lekin u suratga olib bo‘lmagunicha hech kim ovqatga tegishi mumkin emas. Har safar siz tabassum qilganda “yana bir marta, bu safar filtrsiz” deydi.
Yonida yurish = kontentda ko‘rinish.
5. ? “Har doim muammo ichida” yashaydigan drama qahramoni
U hamisha ichki ruhiy serialda. Har kuni kimnidir bloklagan, kimdir uni xafa qilgan, kimdir unga javob yozmagan.
U bilan gaplashish rostdan ham drama ko‘rish bilan teng.
