Gollyvud afsonasi Jim Kerri yaqinda Parijda bo‘lib o‘tgan 51‑César Film Awards marosimida “Honorary César Award” bilan taqdirlandi. Ammo uning ko‘rinishi internetda turli mish-mishlarni keltirib chiqardi.
Marosimdan so‘ng Kerri suratlari tarqaldi: aktyorning yuz tuzilishi va tashqi ko‘rinishi odatdagidan farq qilgani sababli ijtimoiy tarmoqlarda “Bu Jim Kerri emas” yoki “ unga o’xshash qiyofadoshi” degan bahslar paydo bo‘ldi.
Britaniyalik makiyaj artisti va performer Alexis Stone Instagram’da Parijdagi fotosuratlar bilan o‘zini “Jim Kerriga o‘xshash” qilib ko‘rsatdi. Bu esa mish-mishlarni yanada jonlantirdi.
Jim Kerrining vakili Marleah Leslie va César Awards tashkilotchilari qat’iy bildirdi:
“Jim Kerri shaxsan Parijga bordi va mukofotni qabul qildi.”
Tadbir rahbari ham Kerri shaxsan ishtirok etganini tasdiqladi.
