Dunyoda yana bir noodatiy loyiha amalga oshirildi — LEGO kublaridan haqiqiy o‘lchamdagi Ferrari avtomobili yaratildi.
Mazkur avtomobil LEGO va Ferrari hamkorligida ishlab chiqilgan bo‘lib, u minglab emas, balki yarim milliondan ortiq detallar yordamida yig‘ilgan.
Ma’lumotlarga ko‘ra, modelni yaratish uchun 550 mingdan ortiq LEGO bo‘laklari ishlatilgan va bu jarayon ustida mutaxassislar 2 300 soatdan ko‘proq vaqt sarflagan.
Ushbu Ferrari nusxasi nafaqat tashqi ko‘rinishi, balki ichki detallari bilan ham haqiqiy avtomobilga juda o‘xshash qilib yaratilgan. Hatto tashrif buyuruvchilar uning ichiga o‘tirib ko‘rish imkoniyatiga ham ega.
Model AQShdagi LEGOLAND New York Resort hududida namoyish etilmoqda va u yangi “Ferrari Build & Race” attraksionining asosiy qismi hisoblanadi.
Mutaxassislar ushbu loyiha LEGO tarixidagi eng yirik Ferrari modellardan biri ekanini ta’kidlamoqda. U sayyohlar va avtomobil ixlosmandlari orasida katta qiziqish uyg‘otmoqda.
