Gollivud aktrisasi Enn Xeteuey Londonda bo‘lib o‘tgan “The Odyssey” filmining jahon premyerasida o‘zining nafis obrazi bilan barchaning e’tiborini tortdi. U uchinchi farzandiga homilador bo‘lishiga qaramay, qizil yo‘lakda ko‘k rangli, gullar bilan bezatilgan libosda ko‘rinish berdi.
43 yoshli aktrisa obrazini yorqin qizil lab bo‘yog‘i, uzun sirg‘alar va tabiiy uslubdagi soch turmagi bilan to‘ldirdi. Premyera davomida u samimiy tabassumi va nafis uslubi bilan fotograf va muxlislar e’tibor markazida bo‘ldi.
Enn Xeteuey homiladorligi haqida iyun oyida ijtimoiy tarmoqlar orqali ma’lum qilgan edi. Aktrisa turmush o‘rtog‘i Adam Shulman bilan uchinchi farzandini kutmoqda. Juftlik hozirda ikki nafar o‘g‘il farzandni voyaga yetkazmoqda.
So‘nggi haftalarda aktrisa “The Odyssey” filmining promo-tadbirlari davomida ketma-ket zamonaviy homiladorlik obrazlari bilan moda ixlosmandlarining ham e’tirofiga sazovor bo‘lmoqda.
