Gollivud yulduzlari Ben Afflek va Jennifer Lopes yana bir bor jamoatchilik e’tiborini tortdi. 2025-yilda ajrashish jarayonini yakunlagan sobiq juftlik so‘nggi haftalarda bir necha bor birga ko‘rinish bergani sabab ularning munosabatlari qayta tiklangani haqidagi mish-mishlar kuchaydi.
Xorijiy OAV ma’lumotlariga ko‘ra, Afflek va Lopes yaqinda “O‘rgimchak ayolning bo‘sasi” (Kiss of the Spider Woman) filmi premyerasida, Venetsiyadagi qizil yo‘lakda hamda Montana shtatidagi chang‘i kurortida birga vaqt o‘tkazgan. Eng ko‘p muhokama qilingan holat esa Beverli-Hillzdagi oilaviy tushlik paytida yuz berdi. Guvohlarning aytishicha, ular o‘zini juda samimiy tutgan va hatto qo‘l ushlashib yurgani ham kuzatilgan.
Juftlikka yaqin manbalarning ta’kidlashicha, Jennifer Lopes Ben Afflek bilan yana muloqot qilayotganidan mamnun. Shuningdek, Afflek aktrisa ishtirokidagi yangi film ustida ishlash jarayonida ham uni qo‘llab-quvvatlagani, Jennifer onasidan ayrilgan og‘ir kunlarda esa uning yonida bo‘lgani aytilmoqda.
Biroq hozircha Ben Afflek ham, Jennifer Lopes ham munosabatlarini qayta boshlagani haqida rasmiy bayonot bermagan. Shu sabab ularning birga ko‘rinish berishi yarashuv belgisi yoki shunchaki yaqin do‘stlik ekani hozircha noma’lumligicha qolmoqda.
