Yangi Zelandiyada dunyodagi eng og‘ir hasharotlardan biri hisoblangan ulkan vetapungalar qirilib ketish xavfidan saqlab qolindi. Ularning ayrimlari hatto kichik sichqon bilan teng vaznga ega bo‘lishi mumkin.
Deinacrida heteracantha nomi bilan tanilgan bu hasharotning urg‘ochilari 10 santimetrgacha uzunlikka, oyoqlari yoyilganda esa 20 santimetrgacha kenglikka ega bo‘ladi. Homilador urg‘ochilarining vazni 70 grammgacha yetishi mumkin.
Vetapungalar Yangi Zelandiyada yirtqichlar va yashash muhitining buzilishi sabab 1990-yillarga kelib jiddiy xavf ostida qolgan. Hozir esa ular tabiatda rasman yo‘qolib ketgan deb hisoblanadi.
Ularni saqlab qolish uchun mamlakatdagi ikkita hayvonot bog‘i maxsus ko‘paytirish dasturini yo‘lga qo‘ygan. Hasharotlar yangi va to‘kilgan barglar hamda baliq oqsilidan iborat maxsus parhez bilan boqilgan.
Natija esa kutilganidan ham yaxshi bo‘lgan: 11 mingta vetapunga yirtqichlardan xoli orollarga qo‘yib yuborilgan. Ular u yerda ko‘payib, bir necha avlod davomida o‘z populyatsiyasini tiklashga imkon bergan.
Shu tariqa bir vaqtlar yo‘qolib ketish yoqasiga kelgan ulkan hasharot uchun yangi imkoniyat paydo bo‘ldi.
