Afsonaviy Titanik halokati bilan bog‘liq yana bir tarixiy buyum kimoshdi savdosiga qo‘yildi. Bu safar gap “Titanik” kemasida ishlatilgan qutqaruv nimchasi haqida bormoqda.
Ma’lum qilinishicha, ushbu nimcha birinchi klass yo‘lovchilardan biri — taniqli modelyer kotibasiga tegishli bo‘lgan. Mutaxassislar uning qiymatini juda yuqori baholamoqda.
Kutilishicha, noyob eksponat auksionda 474 ming dollargacha narxda sotilishi mumkin. RMS Titanic tarixiga oid buyumlar har doim kolleksionerlar orasida katta qiziqish uyg‘otadi.
Eslatib o‘tamiz, “Titanik” 1912-yilda Atlantika okeanida halokatga uchragan bo‘lib, ushbu voqea tarixdagi eng mashhur dengiz fojialaridan biri hisoblanadi. Bugungi kunda ham kemaga oid buyumlar yuqori qiymatda baholanmoqda va auksionlarda katta e’tibor qozonmoqda.
