Shakira Ispaniya soliq idorasi bilan yillar davom etgan sud mojarosida katta g‘alabaga erishdi. Mamlakat Oliy sudi xonandani 2011-yil bo‘yicha soliq firibgarligi ayblovidan oqladi va endi unga 60 million yevrodan ortiq mablag‘ qaytarilishi kerak bo‘ladi.
Sud qaroriga ko‘ra, soliq idorasi Shakiraning 2011-yilda Ispaniyada qonun bo‘yicha talab qilinadigan 183 kundan ko‘proq yashaganini isbotlay olmagan. Shu sabab avval qo‘yilgan jarimalar noqonuniy deb topilgan.
Qaytarilishi kerak bo‘lgan summa:
- jarimalar
- oldin to‘langan soliqlar
- foizlar
- sud xarajatlari
ni ham o‘z ichiga oladi.
Shakira esa sud qaroridan keyin:
“Hech qanday firibgarlik bo‘lmagan”
deya bayonot berdi va bu jarayon uning obro‘siga ham katta zarar yetkazganini aytdi.
Biroq Ispaniya soliq agentligi qaror ustidan yana shikoyat qilishini ma’lum qilgan.
